Poesia de Rosalía

-->

Ó SOL FUN QUENTARME

Ó sol fun quentarme ,

doume escallofríos ,

cal si o Norte Bravo

me arrastrase arisco .

Sentín unha gaita

de alegre sonido ,

i os cabelos todos

puxéronme hiertos ;

e tembreí cal tembra

na beira do río

herba que a corrente

toca cos seus limos .

Miña alma dorida ,

meu corpo inxeliño ,

faivos mal a gaita ,

dávos o sol frío .

Miña alma , meu corpo ,

se non é feitizo ,

é que a morte querme

para o meu enxido .

Giovanna Dapena Díz